ENB ᓴᓇᔨ: ᐊᑐᖃᑦᑕᖅᑐᖅ ᕿᓯᕐᓂᒃ ᐱᐅᓯᑎᑦᓯᒍᑎᒋᓪᓗᓂᒋᑦ ᐃᓚᓕᐅᑎᔭᖏᓐᓄᑦ ᓴᓈᖏᓐᓄᑦ
ᓗᑉᓇ ᕕ ᔭᐃᔭᓐ
ᓂᑯ ᐃᖃᓗᓐᓂ ᐃᒻᒥᓂᒃ ᐱᕆᐅᕐᓂᑯ ᓴᓇᙳᐊᖅᑎ ᐊᒻᒪᓗ ᓇᒻᒥᓂᖃᖅᑐᓂᒃ ᖃᕆᓴᐅᔭᒃᑯᑦ ᑎᑭᓵᒃᓴᓂᒃ ᑕᐃᔭᐅᓪᓗᓂ ENB Artisan. ᐊᑎᖏᓐᓂᒃ ᐱᒋᐊᖓᕐᓂᖏᓐᓂᒃ Eᐅᐃᖓᓂᒃ ᐃᐊᑦᒐᑐ, N ᓂᑯ, Bᐸᓂᖓ ᐸᕐᕆ, ᑖᒃᑯᓂᖓ ᓇᓗᓇᐃᒃᑯᑕᓕ ᓇᒻᒥᓂᖓ ᓴᓇᖃᑦᑕᖅᑐᑦ ᐃᓚᓯᕙᓪᓕᐊᓪᓗᑎᒃ ᖃᐅᑕᒫᖅᓯᐅᑎᓂᒃ ᐃᓪᓗᒥᐅᑕᓂᒃ, ᑎᑎᕋᐅᑎᓂᒃ ᐊᒻᒪᓗ ᐱᔭᐅᒍᒪᓛᖑᖃᑦᑕᖅᑐᑦ ᕿᓰᑦ, ᕿᓯᐅᔭᓂᑦ ᐊᒻᒪᓗ ᐃᖃᓗᒧᑦ ᐊᒥᖅ ᐋᖅᑭᑦᑕᐅᕙᑦᑐᑦ ᐃᓯᒐᐅᔭᕐᓄᑦ.
ᑲᔪᖏᕈᑎᖃᓚᐅᖅᓯᒪᔪᖅ ᐱᐅᓴᐅᑎᒐᓚᓐᓂᒃ ᓂᐅᕐᕈᓯᒪᓚᐅᖅᑐᓂᒃ ᓄᓇᓕᒻᒥᑦ ᓄᓇᕗᒻᒥ. ᑕᑯᓚᐅᖅᓯᒪᒻᒪᑦ ᓴᓇᙳᐊᓲᒻᒥᑦ ᐊᒡᒐᒻᒥᐅᑕᕐᒥᑦ ᓇᔾᔪᒥᑦ ᓴᓇᓯᒪᓪᓗᓂ ᓴᐃᐸᓂᒃ ᐃᓄᒃᓱᙳᐊᖃᖅᑐᒥᒃ.
“ᐊᕐᕋᖅᓯᒪᓕᕋᒪ {home}(ᐊᖏᕐᕋᓐᓄᑦ)[it], ᓇᔾᔪᒥᑦ ᐱᔪᒪᓕᓚᐅᖅᓯᒪᔪᖓ ᑕᐃᒪᖓᓪᓗ ᐱᒋᐊᑦᑕᖅᑯᖓ.”
ᓴᓇᙳᐊᕐᓂᕐᒥᑦ ᐱᒋᐊᓚᐅᖅᓯᒪᕗᖅ ᓂᑯ ᐊᒻᒪᓗ ᐃᒐᕐᑐ ᐱᐅᓴᓪᓚᕆᒻᒪᑎᒃ ᓴᓇᕈᓘᔭᕐᓂᕐᒥᑦ ᖃᓄᖅᑑᕋᕐᓂᕐᒥᓪᓗ. ᓇᒻᒥᓂᖓᑦ ᓴᓇᒐᐅᖏᑦ ᓂᑰᑉ ᐃᓅᓂᖓᓂᒃ ᓴᖅᑭᔮᖅᑎᑦᓯᓪᓗᑎᒃ. ᐊᐃᑉᐸᕇᒃ ᓂᐅᕕᐊᒃᓴᓕᐅᖃᑦᑕᖅᑑᒃ ᐱᐅᓪᓚᕆᑦᑐᓂᒃ, ᐊᒡᒐᒥᓄᑦ ᓴᓇᕙᑦᑕᖏᓐᓂᒃ ᓇᔾᔪᒻᒥᑦ ᓴᓇᓪᓗᑎᒃ ᑎᑎᕋᐅᑎᓂᒃ, ᐊᒻᒪᓗ ᓴᓇᙳᐊᖅᑐᑎᒃ ᓯᐅᒻᒥᐅᑕᓂᒃ. ᐱᔭᐅᔪᒪᓛᖑᔪᖅ ᑲᑎᖅᓱᒐᐅᔪᖅ ᐊᒡᒐᖕᒧᑦ ᓴᓇᓯᒪᔪᖅ ᓇᑦᑎᐅᑉ ᐊᒥᖓ ᖄᓕᖅᓯᒪᔪᑦ ᐸᓚᐅᒑᑦ, ᑲᒫᓗᐃᑦ ᐊᒻᒪ ᑎᓯᔪᑦ ᓇᓴᐃᑦ. ᖁᑦᑎᒃᑐᒦᑦᑐᒥᒃ ᐃᓚᓯᓂᖅ ᒪᕐᕉᓪᓗᑎᒃ ᑕᖅᓴᓕᖅᓯᒪᔪᑦ ᖃᐃᕈᓖᑦ ᐊᒥᕐᓂᒃ−ᕿᓯᖕᓂᒃ ᑲᒫᓗᖕᓂᒃ ᐱᑕᖃᖅᖢᑎᒃ ᐅᔭᖅᑲᓂᒃ ᑎᓯᓂᖅᐹᓂᒃ.
ᓂᑯᒧᑦ, ᐃᓕᖅᑯᓯᖓᓂᒎᖅ ᓯᕗᓕᖏᓐᓂᖏᑦᑕ ᐃᓕᖅᑯᓯᖏᓐᓂᒃ ᐃᓚᓕᐅᔾᔨᓪᓚᕆᓪᓗᓂ ᑭᓯᐊᓂ.
“ᓱᓇᓕᐊᕆᓗᒋᑦ ᕿᓰᑦ, ᐅᐱᓐᓇᕋᓂ ᐃᓄᓐᓄᑦ ᐊᑑᑎᖃᓪᓚᕆᒻᒪᑕ ᐅᖅᑰᑎᑦᓯᒻᒪᑕ, ᐊᒻᒪᓗ ᓇᑦᑎᒥᓃᑦ ᑎᒥᒧᑦ ᐱᐅᓪᓚᕆᑦᑐᑎᒃ, ᐃᓅᓯᕆᒐᑦᑎᒍ.”
ᐅᖃᐅᓯᖃᕐᒥᔪᖅ ᕿᓰᑦ ᐱᐅᓂᓕᕇᒻᒪᑕ. ᖃᒥᓄᑦ ᐊᒻᒪᓗ ᐳᐊᓗᒃᓴᓄᑦ ᐊᓐᓄᕌᑦ, ᕿᓰᑦ ᑲᒪᒋᔭᕆᐊᖃᕐᒪᑕ ᐊᑲᐅᓈᓛᒃᑯᑦ ᐊᑑᑎᖃᑦᓯᐊᖁᓪᓗᒋᑦ. ᑭᓯᐊᓂᓕ ᐊᑐᓲᖅ ᕿᑐᒻᒪᓴᖅᑕᐅᓯᒪᔪᓂᒃ ᓴᓇᖃᑦᑕᖅᑕᖏᓐᓄᑦ ᓂᕈᒥᓐᓂᖅᓴᐅᒻᒪᑕ ᓴᓇᒋᐊᖏᑦ ᐊᒻᒪᓗ ᑕᓯᒃᑲᐅᓪᓗᑎᒃ ᐃᓯᒐᔭᐅᔭᕐᓄᑦ ᐃᓚᓕᐅᑎᒋᐊᖏᑦ.
ᓄᓇᕗᒻᒥ ᕿᓯᕐᓂᒃ ᐱᕕᑦᓴᖅᑕᖃᖃᑦᑕᖅᑐᖅ, ᐆᒪᔪᕐᓂᐊᖅᑎᒃᑯᓐᓂᓪᓗ. ᓂᑯ ᓂᐅᕕᕆᐊᕋᔪᓲᖅ ᐊᕙᑎᓕᕆᔨᒃᑯᓐᓂᑦ. ᓄᓇᕗᒻᒥ ᐅᑯᓇᖓᑦ Seal and Fur Programs Policy ᕿᓯᓕᕆᔨᑦ ᐱᓕᕆᐊᒃᓴᖏᑦ ᐊᑐᐊᒐᖃᕐᒪᑕ ᓂᐅᕕᕋᐃᒻᒪᑕ ᐊᓯᕙᖅᑎᓂᒃ ᐊᑭᑦᑕᐅᓯᐊᖃᑦᑕᖅᑐᑦ ᑕᐃᒪᐃᓐᓂᖓᓄᑦ ᐊᔾᔨᒌᖏᑦᑐᓂᒃ ᒥᖅᑯᓕᓐᓂᒃ ᐊᒻᒪᓗ ᕿᓯᓐᓂᒃ ᓂᐅᕕᕆᐊᖃᕐᕕᖃᑦᓯᐊᕐᓇᖅᑐᖅ.
“ᕿᓯᑦᑎᐊᕙᐅᓗᐊᖏᑦᑐᓂᒃ ᖃᓄᖅᑑᕈᑎᖃᓚᐅᖅᓯᒪᒐᒪ[and], ᓄᑖᓂᒃ ᑲᒫᓗᑦᑖᖅᓯᒪᓚᐅᖅᓯᒪᒐᒪ, ᐃᓱᒪᓯᑦᑕᖅᑯᖓ ᐆᑦᑐᕐᓂᐊᕋᒃᑭᑦ ᐱᐅᓯᓴᕐᓗᒋᑦ ᕿᓯᒻᒥᑦ ᐃᓚᓗᒋᒃ,’ ᐊᓱᐃᓪᓛᒃ ᐱᐅᓯᑦᑕᖅᑯ.”
ᓴᓇᒋᐅᖅᑕᖏᑦ ᐱᐅᓯᑦᓯᐊᓚᐅᖅᓯᒪᒻᒪᑎᒃ, ᓂᑯ ᐊᓯᖏᓐᓄᑦ ᐃᓯᒐᐅᔭᕐᓄᑦ ᐆᑦᑐᓕᓚᐅᖅᓯᒪᔪᖅ. “ᐊᐃᑉᐸᕋᓗ ᑲᑐᔾᔨᖃᑦᑕᖅᑐᒍ ᓴᓇᓪᓗᓄᒃ ᖃᓄᖅᑑᖅᑐᓄᒃ ᖃᓄᖅ ᕿᓯᒃ ᐱᐅᓯᑎᑦᓯᒐᓱᐊᖅᑐᒍ ᐃᓯᐅᔭᓄᑦ ᓴᓇᒪᓂᖏᑦ [fur]ᐱᐅᔪᒃᓴᔭᐅᓪᓗᑎᒃ.”
ᐆᑦᑐᑎᓕᐅᕐᓇᖏᑦᑐᖅ ᐊᑕᐅᓯᕐᒥᑦ ᐊᔾᔨᒌᖏᑦᑐᐃᓐᓇᐅᒻᒪᑕ ᐃᓯᒐᐅᔭᐃᑦ. ᓂᑯ ᐅᖃᕆᐊᒃᑲᓐᓂᖅᑐᖅ ᐊᑐᓂ ᐃᓯᒐᐅᔭᐃᑦ ᓴᓇᓯᒪᓂᖃᖅᑐᐃᓐᓇᐅᒻᒪᑕ. ᓂᑯ ᐱᐅᒋᔭᐅᓂᐊᕋᓗᐊᕐᒪᖔᑕ ᐱᐅᔪᒃᓴᔭᓂᒃ ᐃᓯᒐᐅᔭᕐᓂᒃ ᐃᓚᓯᒪᔪᓂᒃ ᕿᓯᕐᒥᑦ ᑭᓯᐊᓂ ᐱᖃᑎᖏᑦ ᑕᑯᑎᒻᒪᒋᑦ “ᐊᒃᓱᐊᓗᒃ ᐱᐅᓴᓚᐅᖅᑐᑦ, [it was] ᐅᐱᒋᒋᐊᖃᕋᑦᑎᒍᑦ ᕿᓯᕗᑦ, [and] ᐅᑭᐅᒃᑯᑐᐃᓐᓇᐅᖏᑦᑐᖅ.” ᐃᓚᓯᖃᑦᑕᕐᓂᖅ ᐱᐅᒋᔭᐅᓪᓚᕆᓕᖅᑐᖅ, ᐊᒥᓱᑦ ᐃᖃᓗᒻᒥᐅᑦ ᓂᑯᔫᕈᔾᔨᖃᑦᑕᖅᑐᑦ ᐃᓯᒐᔭᖏᓐᓂᒃ ᐃᓚᓯᖁᔨᓪᓗᑎᒃ ᕿᓯᒻᒥᑦ, ᐃᖃᓗᒻᒧᑦ ᐊᒥᕐᓂᒃ, ᕿᓯᐅᔭᓂᒃ.
ᑭᓯᐊᓂᑦᑕᐅᖅ, ᓄᕙᕐᔪᐊᕐᓇᖅ ᐱᔾᔪᑕᐅᓪᓗᓂ ᓇᒻᒥᓂᓐᓄᑦ ᐅᑭᐅᖅᑕᖅᑐᒥ ᓂᐅᕕᖅᑐᖃᖏᓐᓂᖅᓴᐅᓕᓚᐅᖅᑐᖅ. ᐊᕐᕌᒍᒃ ᒪᕐᕉᒃ, ᖁᕕᐊᓱᕝᕕᒻᒥ ᓂᐅᕕᐊᒃᓴᖃᓲᓄᑦ ᐃᓚᐅᖃᑦᑕᕈᓐᓃᓚᐅᕋᒥ, ᓇᒧᖓᐃᕕᒃᓴᖅᑕᖃᓚᐅᕋᓂᓪᓗ, ᑲᑎᕈᓘᔭᖅᑐᖃᕐᓇᓂᓗ, ᐊᖏᕐᕋᒥᓂᓪᓗ ᐃᓯᒐᔭᖅᓯᒪᑐᐃᓐᓇᖅᑐᖃᔾᔮᖏᒻᒪᑦ ᐱᐅᔪᐊᓘᓐᓂᒃ, ᓂᐅᕕᖅᑐᖃᓚᐅᖏᓚᖅ.
“ᐃᓱᒪᔪᖓ [events]ᓇᒧᖓᕐᕕᒃᓴᖃᖏᑲᐃᓐᓇᒧᑦ[so], ᓂᐅᕕᖅᑐᖃᖃᑦᑕᖏᑲᐃᓐᓇᓚᐅᖅᑐᖅ[the shoes], ᐱᔭᕆᐊᑐᖏᑦᑐᖔᖃᑦᑕᖅᑐᒃᓴᐅᓚᐅᕐᒪᑕ, “ᓄᓇᕗᒻᒥ ᓴᓇᙳᐊᖅᑎᑐᐃᓐᓇᕐᒧᑦ ᐃᓅᕕᒃᓴᐅᖏᒻᒪᑦ.”
ᓂᑰᒃᑯ ᐊᐃᑉᐸᕇᒃ ᐃᖅᑲᓇᐃᔮᖃᖅᑐᐃᓐᓇᐅᓪᓗᑎᒃ, ᓇᒻᒥᓂᒥᓂᒃ ᖃᖓᑐᐃᓐᓇᒃᑯᑦ ᐊᓕᐊᓇᐃᒋᔭᒥᓂᒃ ᓴᓇᖃᑦᑕᖅᑑᒃ, ᑕᑎᑐᐊᕆᖏᒻᒪᔾᔪᒃ.
“ᐊᑲᐅᓈᖅᓯᒪᕈᓘᔭᖅᑐᖓ ᐅᓪᓗᒃᑯᑦ ᐃᖅᑲᓇᐃᔮᖃᕋᒪ ᓂᐅᕕᕈᓐᓇᖃᑦᑕᖅᑐᖓ ᐊᒥᓲᓈᖅᑐᓂᒃ ᕿᓯᓐᓂᒃ, ᓴᓇᙳᐊᖅᑎᑐᐃᓐᓇᖅ ᐊᒥᓱᑦ ᑕᐃᒪᐃᖃᑦᑕᖅᑐᑦ, ᓂᐅᕕᐊᒃᓴᖃᓚᐅᖅᑐᑎᒃ ᑭᓯᐊᓂ ᓴᓈᑦᓴᑖᕈᑎᖃᕈᓐᓇᖃᑦᑕᕐᒪᑕ.”
ᐊᒃᓱᕈᓐᓇᖅᑐᑦ ᐱᒐᓗᐊᖅᑎᓪᓗᒋᑦ, ᓂᑯ ᐊᓯᔾᔨᒐᔭᖏᑦᑐᖅ ᐊᑐᖅᑕᒥᓂᒃ, ᐊᒻᒪᓗ ᑲᔪᖏᖅᓴᐃᔪᖅ ᐊᓯᒥᓂᒃ. “ᐆᑦᑐᖃᑦᑕᕆᑦ. ᐱᔪᓐᓇᖅᑐᕆᓪᓚᕆᒃᑯᒪ, ᐆᑦᑐᖃᑦᑕᕐᓗᖓ, ᐅᑦᑐᖏᒃᑯᒪ ᖃᐅᔨᔾᔮᖏᑦᑐᖓ ᐱᔪᓐᓇᕐᓂᓐᓂᒃ.”
