ᓄᓇᑦᑕ ᓱᓇᒃᑯᑖᖏᑦ ᑕᑯᔭᒐᖃᕐᕕᒃ: ᐃᓚᐅᖁᔨᑦᓯᐊᖅᑐᑦ ᓄᓇᖅᑲᑎᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓂᑦ ᐊᒻᒪᓗ ᓴᓇᐅᒐᖏᓐᓂᑦ
ᑎᑎᕋᐅᓯᖃᖅᑐᖅ ᕈᔅ ᓚᕗᑎ
ᓄᓇᑦᑕ ᓱᓇᒃᑯᑖᖏᑦ ᑕᑯᔭᒐᖃᕐᕕᒃ ᑕᑯᒃᓴᐅᑎᑦᓯᕙᑦᑐᑦ ᑲᑎᖅᓱᖅᓯᒪᔭᖏᓐᓂᒃ ᓴᓇᐅᒐᕐᓂᑦ ᓄᓇᓖᑦ ᓄᓇᕗᒻᒥ ᐱᒋᐊᖅᑐᑎᒃ 1969. ᐊᖏᒡᓕᒋᐊᖅᓯᒪᓕᖅᑎᓪᓗᒍ ᓴᓇᙳᐊᖅᑕᐅᕙᒃᑐᑦ, ᐃᑲᔪᖅᓱᐃᓂᖅ ᓄᓇᓕᖕᓂ ᓴᓇᙳᐊᖅᑎᓂᒃ ᓯᕗᓪᓕᐅᔾᔭᐅᓯᒪᕗᖅ ᑕᑯᔭᒐᖃᕐᕕᖕᒧᑦ.
ᐊᐅᓚᑦᓯᔨᖓᑦ ᑕᑯᔭᒐᖃᕐᕕᓕᕆᔨᖓᑦ ᓄᓇᑦᑕ ᓱᓇᒃᑯᑖᖏᖃᕐᕕᖓᓂ, ᔭᓯᑲ ᑯᑦᑎᖅ, ᐅᖃᕆᐊᒃᑲᓐᓂᖅᑐᖅ ᑕᑯᔭᒐᖃᕐᕕᐅᑉ ᐱᔾᔪᑎᖓ ᓄᓇᓖᑦ ᐱᕕᖃᖅᑎᑕᐅᖁᓪᓗᓂᒋᑦ ᐃᓅᓯᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪᓗ ᓴᓇᐅᒐᖏᓐᓂᒃ.
“ᐱᔾᔪᑎᒋᔭᕗᑦ ᓄᓇᓖᑦ, ᐱᓗᐊᖅᑐᒥᒃ [the Covid-19 pandemic] ᐊᑐᖅᑎᓪᓗᒍ, ᖃᓄᖅᑑᕋᖅᓯᒪᓕᖅᑐᑦ. ᐱᕕᖃᖅᑎᑦᑎᑦᓯᐊᖅᑐᑦ ᓄᓇᓖᑦ ᖃᖓᑐᐃᓐᓇᒃᑯᑦ ᐊᔾᔨᒌᖏᑦᑐᓂᒃ ᐱᓕᕆᐊᒃᓴᖃᖁᓪᓗᒋᑦ,” ᑕᒪᓐᓇ ᐱᒻᒪᕆᐅᑎᓯᒪᔭᖓ.
ᑕᑯᔭᒐᖃᕐᕕᒃ ᑲᑎᖅᓱᐃᓯᒪᓕᕐᒪᑕ 1969ᒥᓂᑦ. ᑕᐃᒃᑯᐊᓗ ᑕᑯᒐᖃᕐᕕᒻᒥᐅᑕᐅᓪᓗᑎᒃ ᓴᓇᙳᐊᒐᐃᑦ, ᑎᑎᖅᑐᒐᐃᑦ ᐊᕐᕌᒍᑦ 1960ᖏᓐᓂ 1970ᒧᑦ.
ᐱᖁᑎᒋᔭᐅᓪᓚᑦᑖᖅᑐᑎᒃ ᑕᑯᔭᒐᕐᕕᒻᒥᐅᑕᐅᓪᓗᑎᒃ, ᓄᓇᓕᒻᒥᐅᓂᑦ ᓴᓇᙳᐊᖅᑎᓂᒃ ᑕᑯᒃᓴᐅᑎᑦᓯᖃᑦᑕᕐᒥᔪᑦ ᐊᒻᒪᓗ ᓂᐅᕕᐊᒃᓴᖃᖃᑦᑕᖅᑐᑎᒃ. ᐱᕕᖃᖅᑎᑦᓯᒻᒥᔪᑦ ᖁᓕᓂᑦ ᐊᒻᒪᓗ ᖁᓖᓪᓗ ᑕᓪᓕᒪᐃᑦ ᓴᓇᐅᒐᖃᖅᑐᓂᒃ ᑕᑯᔭᒃᓴᐅᑎᑕᐅᓲᑦ.
“ᐱᓕᕆᖃᑎᖃᖅᐸᒻᒥᔪᒍᑦ ᓴᓇᙳᐊᖅᑎᓂᒃ. ᓂᐅᕕᐊᒃᓴᖃᕐᓂᒃᑯᑦ. ᓂᐅᕕᖅᐸᑦᑐᒍᑦ ᓴᓇᙳᐊᖅᑎᒥᒃ. ᐱᓕᕆᖃᑎᒋᕙᒻᒥᔭᕗᑦ ᓴᖅᑭᔮᖅᑎᑦᓯᓪᓗᑕ ᓴᓇᐅᒐᖏᓐᓂᒃ ᑕᑯᔭᒐᖃᕐᕕᒻᒥ.” ᑰᑦᑎᖅ ᐅᖃᖅᐳᖅ.
ᓄᓇᑦᑕ ᓱᓇᒃᑯᑖᖏᑦ ᐱᕕᖃᖅᑎᑦᓯᖃᑦᑕᖅᑐᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐃᑲᔪᖅᓱᐃᓪᓗᑎᒃ ᓴᓇᙳᐊᖅᑎᓂᒃ ᓄᓇᕗᒻᒥ. ᓂᐅᕕᕐᕕᒋᓪᓗᒋᑦ ᐊᒻᒪᓗ ᐊᓯᖏᓐᓄᑦ ᑲᑎᖅᓱᖅᓯᒪᔪᓂᒃ ᑕᑯᒃᓴᐅᑎᑕᐅᓪᓗᑎᒃ ᐃᓚᔮᕇᓄᑦ ᐊᒻᒪᓗ ᐱᖃᓐᓇᕇᓄᑦ.
“ᐅᑉᐱᕈᓱᑦᑐᖓ ᓄᓇᓖᑦ ᐱᕕᖃᖅᑎᒋᐊᖃᕐᒪᑕ, ᖃᐃᔪᑦ ᑕᑯᔭᖅᑐᖅᑐᑦ ᑕᑯᔭᒐᖃᕐᕕᒻᒧᑦ ᑕᒡᒐ ᐃᑲᔪᖅᓱᐃᓂᐅᔪᖅ”, ᐅᖃᖃᑎᒌᓪᓗᑕ ᖃᓄᖅ ᐃᑲᔪᖅᓱᒃᑲᓐᓂᕈᓐᓇᕐᒪᖔᖅᑎᒍ ᓴᓇᙳᐊᖅᑏᑦ.
ᑕᑯᔭᒐᖃᕐᕕᒃ ᐊᑐᐊᒐᖅᑐᖅ ᑕᐅᖅᓯᒍᑎᖃᕆᐊᖃᖏᓐᓂᕐᒥᑦ ᑭᓱᑐᐃᓐᓇᕐᒧᑦ ᐱᔾᔪᑎᖃᖅᑐᑦ ᓴᓇᓯᒪᔪᖅ ᐊᑭᒋᖁᒐᔭᖅᑕᖓᓂᒃ ᐋᖅᑭᓯᓯᒪᒍᓐᓇᖁᓪᓗᒍ. ᑕᑯᔭᒐᖃᕐᕕᒻᒥ ᓂᐅᕕᐊᒃᓴᐅᖃᑦᑕᖅᑐᑦ ᐊᔾᔨᒌᖏᑦᑐᓂᒃ ᐊᑐᐃᓐᓇᖃᖃᑦᑕᖅᑐᑦ.
ᖃᕆᓴᐅᔭᒃᑯᑦ ᑕᑯᒋᐊᖅᑕᐅᒍᓐᓇᕐᒥᔪᑦ ᐃᑲᕐᕋᕆᕙᑦᑕᕗᑦ ᑭᓱᓂᓪᓗ ᐊᑐᐃᓐᓇᖃᕐᒪᖔᑦᑕ ᐅᕗᖓ ᓇᕿᑦᑕᕐᓗᒋᑦ: https://www.nunattasunakkutaangit.ca/visit/services
ᑕᑯᔭᒐᖃᕐᕕᒃ ᐋᑐᕚᒥ ᓴᓈᓄᑦ ᑕᑯᔭᒐᖃᕐᕕᒃ ᐃᖏᕐᕋᑲᑕᓛᖅᑐᑦ ᑕᑯᒃᓴᐅᑎᑦᑎᓗᑎᒃ, Dark Ice−ᒥ, ᓯᑎᐱᕆ 2023−ᒧᑦ ᑎᑭᓪᓗᒍ.
