ᐊᑐᒐᒃᓴᐅᒃᑲᓐᓂᖅᑐᓂᒃ: ᐱᕕᓃᑦ ᓂᐅᕕᕐᕕᒃ ᑐᓂᑦᓯᑦᑎᐊᖃᑦᑕᕐᓂᖏᓐᓄᑦ ᐃᖃᓗᒻᒥᐅᑦ
ᓗᑉᓇ ᕕ ᔭᐃᔭᓐ
ᐱᒋᐊᓚᐅᖅᓯᒪᔪᑦ ᐊᕐᓇᐃᑦ ᑲᑎᑐᑎᒃ ᐃᖃᓗᐃᑦ ᐳᐃᕐᔪᕋᕐᕕᖓᓂ ᐃᖃᐃᓕᓴᕆᐊᖅᑐᖅᓯᒪᓪᓗᑎᒃ. ᐃᖃᐃᓕᓴᕇᕋᒥᒃ, ᐊᕐᓇᐃᑦ ᓂᕆᔭᒃᓴᓂᑦᑐᑎᒃ ᐊᒻᒪᓗ ᐅᖃᖃᑎᒌᕈᓘᔭᑦᑕᓕᖅᑯᑦ ᓱᓇᐅᕙ ᓱᓕᓕᖅᑎᑦᓯᓂᐊᖅᑐᑎᒃ. ᐊᓱᐃᓪᓛᒃ, ᐃᖃᓗᐃᑦ ᐊᑐᖅᓯᒪᔪᓂᒃ ᓂᐅᕕᕐᕕᑖᑦᑕᖅᑯᑦ − ᐱᕕᓃᑦ ᑲᑎᒪᔨᑖᖅᑐᑎᒃ, ᐊᑭᓕᖅᓱᖅᑕᐅᒐᑎᒃ ᐊᐅᓚᑦᓯᑦᑕᓕᖅᑯᑦ, ᑮᓇᐅᔭᓕᐅᖅᑎᐅᒐᑎᒃ ᑲᑐᔾᔨᖃᑎᒌᑦᑕᓕᖅᑯᑦ ᓂᐅᕕᐊᒃᓴᒃᓴᓂᒃ ᐊᑐᖅᑕᐅᓗᐊᖅᓯᒪᖏᑦᑐᓂᒃ ᐃᓪᓗᒥᐅᑕᓂᓪᓗ ᐊᒻᒪᓗ ᐊᓐᓄᕌᓂᒃ.
ᐱᒋᐊᓚᐅᖅᓯᒪᔪᑦ 2009ᖑᑎᓪᓗᒍ, ᓂᐅᕕᕐᕕᖓᑦ ᐊᑑᑎᖃᓪᓚᕆᑦᑐᖅ ᐊᖏᓂᖅᓴᒧᑦ ᐃᓪᓗᒧᑦ ᓅᓚᐅᖅᑐᑦ ᐃᑲᔪᖅᑕᐅᓪᓗᑎᒃ ᓄᓇᓕᓐᓂ ᑲᑐᔾᔨᖃᑎᒌᓄᑦ. ᐊᖏᓂᖅᓴᒻᒪᕆᒃ ᒪᕐᕈᐊᑎᖅᑐᒍ ᐃᓪᓗ ᐊᑐᓚᐅᖅᓯᒪᔭᖓᑦ, ᐊᒥᓲᓂᖅᓴᓂᒃ ᓴᖅᑭᔮᖅᑎᓯᒍᓐᓇᓕᖅᑐᑎᒃ ᐊᒻᒪᓗ ᑐᓂᔭᐅᔪᑦ ᐃᓂᖃᕐᓂᖅᓴᐅᓕᖅᑐᑎᒃ.
ᐃᒃᓯᕙᐅᑕᖓᑦ ᐊᒻᒪᓗ ᐊᑭᓕᖅᓱᖅᑕᐅᒐᑎᒃ ᐊᐅᓚᑦᓯᔨᖓᑦ ᐊᓂᑲ ᕙᐃᑲᒃ ᐅᖃᖅᑐᖅ ᓄᑖᖅ ᐃᓪᓗ ᐊᑐᓕᖅᑕᖓᑦ ᐊᒃᓱᐊᓗᒃ ᐊᑑᑎᖃᖅᑐᖅ ᑐᓂᓯᖃᑦᑕᖅᑐᓄᑦ ᐊᑐᐊᒐᒃᓴᓂᒃ ᖃᓄᖅᑑᖅᓯᒪᓕᕐᒪᑕ ᐊᐅᓚᓂᕆᕙᑦᑕᖏᓐᓂᑦ.
“ᐃᓂᖃᕈᓐᓃᖃᑦᑕᓚᐅᕐᒪᑕ, ᒫᓐᓇᐅᔪᖅ ᑲᑎᒪᔨᐅᓪᓗᑕ ᖃᓄᖅᑑᖅᓯᒪᔪᒍᑦ ᐊᑐᐊᒐᓕᐅᖅᓯᒪᓪᓗᑕ ᖃᓄᐃᑦᑑᒋᐊᖃᕐᓂᖏᓐᓂᒃ ᑐᓂᔭᐅᔪᑦ. ᐋᖅᑭᒃᓱᐃᓯᒪᔪᒍᑦ ᖃᖓᒃᑯᑦ ᑐᓂᓯᖃᑦᑕᕈᓐᓇᕐᓂᖏᓐᓂᒃ, ᐅᓪᓗᖃᖅᑎᑕᐅᓪᓗᑎᒃ ᐊᒻᒪᓗ ᕿᒥᕐᕈᑦᓯᐊᕈᓐᓇᖅᓯᓪᓗᑎᒍᑦ”.
ᑐᓂᓯᑦᓯᐊᖃᑦᑕᖅᑐᑦ ᐃᖃᓗᒻᒥᐅᑦ. ᑐᓂᔭᐅᔪᑦ ᓄᐊᑦᑐᐊᓗᑐᐃᓐᓇᐅᖃᑦᑕᕈᓐᓃᖅᑐᑦ ᑕᐃᒪᖓᑦ ᐱᒋᐊᓚᐅᖅᓯᒪᒐᑦᑕᓂᒃ ᐊᕙᑎᓂᒃ ᐊᕐᕌᒍᓂᒃ. ᑐᓂᔭᐅᔪᓂᑦ ᐱᔭᐅᒍᒪᔪᖅᑕᖃᐃᓐᓇᓲᖅ ᐊᓯᖏᓐᓂᑦ ᓂᐅᕕᕐᕕᓐᓂᒃ ᐊᑭᑐᓗᐊᕐᓂᖏᓐᓄᑦ. ᕙᐃᑲᒃ ᐅᖃᖅᑐᖅ ᐱᕕᓃᑦ ᐊᑭᓕᑐᓗᐊᖏᑦᑐᓂᒃ ᐊᑐᐃᓐᓇᖃᖅᑎᑦᓯᖃᑦᑕᕐᒪᑕ. ᓄᓇᖅᑲᑎᕗᓪᓗ ᐊᒃᓱᐊᓗᒃ ᑐᓂᑦᓯᑦᑎᐊᖃᑦᑕᕐᓂᖏᓐᓄᑦ.
photo courtesy of Piviniit
“[During our transition,]ᐊᐱᕆᔭᐅᕙᔪᔪᒍᑦ ᖃᖓᒃᑯᑦ ᒪᑐᐃᒃᑲᓐᓂᕋᔭᕐᒪᖔᑦᑕ. ᐃᑉᐱᒍᓱᔪᔪᒍᑦ ᐃᑲᔪᖅᓱᖅᑕᐅᑦᓯᐊᕐᓂᑦᑎᓐᓂᒃ, ᑕᐃᒪᖓᑦ ᒪᑐᐃᔪᒐᑦᑕ ᓄᑖᒧᑦ ᐃᓪᓗᒧᑦ, ᐃᑲᔪᖅᑕᐅᑦᓯᐊᖅᑐᒍᑦ ᓄᓇᖅᑲᑎᑦᑎᓐᓄᑦ,” ᐅᖃᖅᑐᖅ ᕙᐃᑲᒃ.
ᐱᒋᐊᖅᑎᑦᓯᓯᒪᔪᑦ ᐱᕕᓃᑦ ᓂᐅᕕᕐᕕᒻᒥᑦ ᐃᓱᒪᒋᓯᒪᔭᒥᓂᒃ ᑲᔪᓯᑎᑦᓯᓯᒪᔪᑦ. ᑲᑐᔾᔨᖃᑎᒌᑦ ᐊᑭᑐᓗᐊᖏᑦᑐᓂᒃ ᐊᑐᐃᓐᓇᐅᑎᑦᓯᒍᒪᓯᒪᒻᒪᑕ ᓂᐅᕕᖃᑦᑕᖅᑐᒥᓃᑦ ᐃᓪᓗᒥᐅᑕᓂᒃ ᐊᒻᒪᓗ ᐊᓄᕌᓂᒃ, ᐊᑦᓯᕕᒻᒨᖅᑕᐅᑐᐃᓐᓇᕐᓂᐊᖏᒻᒪᑕ ᐊᑐᖅᑕᐅᒃᑲᓐᓂᕈᓐᓇᖅᑐᑦ.
ᐃᖃᓗᓐᓂ ᐊᑐᓕᖅᑎᑦᓯᒃᑲᓐᓂᕈᑎᒃᓴᓂᒃ ᐊᑐᐃᓐᓇᖅᑕᖃᓗᐊᖏᒻᒪᑦ, ᕙᐃᑲᒃ ᐅᖃᖅᑐᖅ. ᑭᓯᐊᓂ ᖃᐅᔨᒪᓕᖅᑐᑦ ᑕᐃᒪᖓᑦ ᐱᕕᓃᑦ ᒪᑐᐃᓚᐅᖅᓯᒪᒻᒪᑦ, ᐊᑐᓕᖅᑎᑦᓯᓂᕐᒥᑦ ᐊᒻᒪᓗ ᓂᐅᕕᕋᕐᓂᕐᒥᑦ ᐊᑐᖅᐸᓪᓕᐊᑐᐃᓐᓇᖅᑐᑎ. ᓱᒃᑲᔪᒥᒃ ᓂᐅᕕᐊᒃᓴᓂᒃ ᐊᑐᐃᓐᓇᖅᑕᖃᕋᓗᐊᖅᑎᓪᓗᒍ ᓄᑖᓂᒃ, ᐱᕕᓂᒃᑯᓐᓄᑦ ᓂᐅᕕᕆᐊᖅᑐᑦ ᐊᒥᓱᕈᖅᐸᓪᓕᐊᑐᐃᓐᓇᖅᑐᑦ ᑲᖑᓲᔾᔨᒐᑎᒃ.
“ᑐᓴᖅᓯᒪᔪᖓ ᑲᙳᓲᔾᔨᔪᓂᒃ ᐊᓯᖏᓐᓂᑦ [who don’t live here or thrift]…ᑭᓯᐊᓂ ᐱᕕᓃᕐᓅᕈᕕᑦ ᐊᓯᖏᓐᓄᓪᓗ ᑲᓇᑕᒥ…ᖃᐅᔨᒐᔭᖅᑐᑎᑦ ᐊᒃᓱᐊᓗᒃ ᐱᒍᒥᓇᖅᑐᓂᒃ ᐱᑕᖃᓲᖅ ᐊᑐᒃᑲᓐᓂᕈᓐᓇᑦᓯᐊᖅᑐᓂᒃ.”
ᐅᐱᕐᖓᐸᓪᓕᐊᑎᓪᓗᒍ ᐊᒻᒪᓗ ᐊᐅᔭᕈᖅᐸᓪᓕᐊᓕᖅᑎᓪᓗᒍ, ᐱᕕᓃᑦ ᓂᐅᕕᕐᕕᖓᑦ ᓂᐅᕕᐊᒃᓴᖃᖃᑦᑕᓛᕐᒥᔪᑦ “ᑕᑕᐃᒍᓐᓇᕐᓗᑎᒃ ᐳᒃᓴᒥᒃ ᓂᐅᕕᐊᒃᓴᓂᒃ” ᑐᓴᖅᑎᑦᓯᓛᕐᒥᔪᑦ ᖃᕆᓴᐅᔭᒃᑯᑦ ᓴᖅᑭᔮᖅᑎᑦᓯᖃᑦᑕᖅᑐᑦ ᐅᕗᖓ Facebook Page. ᓂᐅᕕᕐᕕᒃ ᐊᒃᓱᐊᓗᒃ ᐅᐸᑦᑕᐅᕙᑦᑐᖅ, ᑐᓂᓯᔭᐅᖏᓐᓇᖃᑦᑕᖅᑐᒍᑦ ᓂᐅᕕᕈᒪᔪᓪᓗ ᐊᒥᒐᖏᑦᑐᑦ ᑭᓯᐊᓂ ᐃᓪᓗᖃᕆᐊᖃᕐᓂᕗᑦ ᐊᒻᒪᓗ ᐊᑭᓕᖅᓱᖅᑕᐅᒐᑎᒃ ᐊᐅᓚᑦᓯᖃᑦᑕᖅᑐᖅ ᐊᒃᓱᕈᓐᓇᕈᑎᒋᔭᖓ!
“ᒫᓐᓇ ᐃᓪᓗᒃ ᐊᑐᖅᑕᕗᑦ ᐊᑐᖅᑐᐊᕈᑎᕗᑦ ᐃᓱᓕᕝᕕᖃᖓᑦ ᐊᕐᕌᒍ 2024ᒥ ᐊᒻᒪᓗ ᖃᐅᔨᒪᖏᑦᓯᐊᖅᑐᒍᑦ ᐊᑐᖅᑎᑕᐅᒃᑲᓐᓂᕋᔭᕋᓗᐊᕐᒪᖔᑦᑕᖅ ᐊᓯᐊᓅᕆᐊᖃᕋᔭᕐᒪᖔᑕᓘᓐᓃᑦ”, “ᒫᓐᓇ ᐃᓪᓗᒧᑦ ᐊᑭᓕᖅᑐᖃᑦᑕᕆᐊᓖᑦ ᐊᑭᑦᑐᖅᓯᒪᓕᕐᒪᑕ ᐊᕐᕌᒍ (2023) ᐊᒻᒪᓗ ᐊᑭᓕᖅᑐᐃᓐᓇᐅᔪᓐᓇᖃᑦᑕᖏᑦᑐᑦ ᑕᐃᒪᐃᖏᓐᓇᕐᓂᐊᕈᑎᓪᓕ ᐊᑭᓕᖃᑦᑕᕆᐊᓖᑦ.”
ᕙᐃᑲᒃ ᐅᖃᖅᑐᖅ ᑲᑎᒪᔨᖏᓪᓗ ᐃᑲᔪᖅᑎᐅᖏᓐᓇᖅᑐᑦ ᐊᑭᓕᖅᓱᖅᑕᐅᒐᑎᒃ ᐊᐅᓪᓚᕈᒫᓕᖅᑐᑎᒃ ᐃᖃᓗᓐᓂᑦ ᐊᕐᕌᒍ 2025ᖑᓕᖅᐸᑦ.
“ᒪᑐᐃᖓᒐᔪᓐᓂᖅᓴᐅᒍᒪᒐᓗᐊᖅᑐᒍᑦ, ᐊᑲᐅᒋᔭᐅᓂᖅᓴᐅᒐᔭᕋᓗᐊᕐᒪᑦ ᓂᐅᕕᕆᐊᖃᑦᑕᖅᑐᓄᑦ. ᑕᐃᒪᐃᒍᓐᓇᖃᑦᑕᖏᑦᑐᒍᑦ ᐊᑭᓕᖅᓱᖅᑕᐅᖏᑦᑐᓂᒃ ᐱᓕᕆᔨᒃᓴᓂᒃ ᐊᒥᒐᒃᓯᒐᑦᑕ. ᐃᑲᔪᕈᒪᔪᖅᑕᖃᕐᓂᖅᐸᑦ ᑕᐃᒃᑯᐊ ᐃᑲᔪᖅᑎᒋᒐᔪᓐᓂᖅᓴᕗᑦ ᐊᓯᖏᓐᓂᒃ ᐱᓕᕆᐊᒃᓴᓂᒃ ᓵᖓᕕᖃᖅᑎᓪᓗᒋᑦ, ᑭᓯᐊᓂ ᒫᓐᓇᐅᔪᖅ ᐱᕕᓃᑦ ᐊᐅᓚᓂᕆᕙᑦᑕᖏᑦ ᑕᐃᒪᐃᒍᓐᓇᖏᑦᑐᑦ.
“ᒪᑐᐃᖓᒐᔪᖁᔨᖃᑦᑕᖅᑐᓄᑦ, ᑲᔪᖏᖅᓴᐃᕗᖓ ᐃᑲᔪᕈᒪᔪᑦ ᐊᑎᓕᐅᕈᓐᓇᖅᑐᑦ ᐊᑭᓕᖅᓱᖅᑕᐅᖏᓪᓗᑎᒃ ᐃᑲᔪᕈᒪᓂᖃᖅᑐᓄᑦ. ᑕᐃᒪᖓᓕᒫᖅ ᕿᓂᖃᑦᑕᖅᑐᒍᑦ ᐃᑲᔪᖅᑎᒃᓴᓂᒃ, ᐱᕕᖃᖅᐳᑎ ᐱᕕᓂᒃᑯᓐᓂ”!
ᑐᑭᓯᒋᐊᒃᑲᓐᓂᒍᒪᒍᕕᑦ ᐱᕕᓃᑦ ᓂᐅᕕᕐᕕᖓᓄᑦ, ᖃᕆᓴᐅᔭᒃᑯᑦ ᓴᖅᑭᔮᖅᑎᑦᓯᖃᑦᑕᖅᑐᒍᑦ Facebook Page ᐅᕝᕙᓘᓐᓃᑦ ᓂᐅᕕᕐᕕᑦᑎᓐᓅᕐᓗᑎᑦ ᐃᓪᓗ 778ᒧᑦ
