ᖃᔪᖅᑐᕐᕕᒃ ᓂᕿᓕᕐᕕᒃ ᐊᔪᐃᓐᓇᖅᑐᑦ ᐃᑲᔪᕋᓱᐊᖅᑐᑎᒃ ᓂᕆᔭᒃᓴᖃᑦᓯᐊᖃᑦᑕᖏᑦᑐᓄᑦ ᐃᖃᓗᓐᓂ
ᑎᑎᕋᐅᓯᖃᖅᑐᖅ ᕈᔅ ᓚᕗᑎ
![ᖃᔪᖅᑐᕐᕕᒃ ᓄᓇᓕᖕᓂ ᓂᕿᓕᕆᕝᕕᒃ – 655](http://iqaluit101.com/wp-content/uploads/2022/03/655-3-300x176.jpg)
ᓂᕆᔭᒃᓴᖃᑦᓯᐊᖃᑦᑕᖏᑦᑐᑦ ᐃᖃᓗᓐᓂ ᐱᕙᓪᓕᐊᑐᐃᓐᓇᖅᑐᑦ. ᐃᒫᓪᓚᕆᒃ, ᐱᖓᓱᐊᖅᑎᖅᑐᒍ ᐊᒥᓱᕈᒃᑲᓐᓂᖅᓯᒪᔪᑦ ᑕᐃᒪᖓᑦ ᓄᕙᕐᔪᐊᕐᓇᖅ 19 ᐱᒋᐊᓚᖅᓯᒪᒻᒪᑦ ᒫᑦᓯ 2020, ᖃᔪᕐᑐᕐᕕᒃ ᓄᓇᓕᓐᓄᑦ ᐊᐅᓚᑦᓯᔨᖓ ᕋᐃᔅᓱ ᐸᓚᔅ ᐅᖃᖅᑐᖅ.
ᐱᓂᖅᓴᓚᐅᓕᓚᖅᑐᑦ ᓄᕙᕐᔪᐊᕐᓇᖅ ᐊᑐᓕᖅᑎᓪᓗᒍ ᐊᒻᒪᓗ ᒐᕙᒪᑐᖃᒃᑯᑦ ᑲᒪᓂᕆᓚᐅᖅᑕᖓᑦ, ᖃᔪᖅᑐᕐᕕᒃᑯᑦ ᓂᕆᔭᒃᓴᓂᒃ 120ᓂ ᐅᓪᓗᑕᒫᑦ ᐊᑐᐃᓐᓇᕈᐃᕙᓚᐅᖅᑐᑦ ᐊᕐᕌᒍ ᕿᒪᑦᑕᑦᑎᓐᓂ.
“ᐊᒥᓲᓚᐅᕐᒥᔪᓪᓕ ᑕᐃᒃᓱᒪᓂ”, “ᒫᓐᓇᓕ ᓂᕆᔭᖅᑐᖅᑐᑦ 400-500ᖏᓐᓂᖃᑦᑕᖅᑐᑦ ᑕᐃᒪᖓᓕᒫᖅ”.
ᐅᖃᕐᒥᔪᖅ, ᐊᑐᐃᓐᓇᖃᖅᑎᑦᓯᑲᐃᓐᓇᖅᑎᓪᓗᒋᑦ ᒐᕙᒪᑐᖃᒃᑯᑦ ᓂᕿᑖᕈᑎᒃᓴᓂᒃ ᐊᒥᓲᖏᓐᓂᖅᓴᐅᓕᓚᐅᖅᑑᒐᓗᐊᑦ, ᐊᒻᒪᓗ ᑕᐃᒃᑯᐊ ᑲᓇᑕᒥ ᑐᐊᕕᕐᓇᖅᑐᒥᒃ ᑮᓇᐅᔭᖅᑖᖅᓯᑦᓯᓚᐅᖅᓯᒪᒻᒪᑕ ᒫᑦᓯ 2020ᓂᐅᑎᓪᓗᒍ.
“ᑲᓇᑕᒥ ᑐᐊᕕᕐᓇᖅᑐᒥᒃ ᑮᓇᐅᔭᖅᑖᕈᑎᒃᓴᐃᑦ ᐊᑐᐃᓐᓇᐅᓗᐊᖅᑎᑕᐅᓚᐅᕐᒪᑕ, ᐅᔾᔨᕆᓚᐅᖅᑕᕗᑦ ᓇᒻᒥᓂᖅ ᓂᕿᑖᕈᑎᑖᓚᐅᕐᒪᑕ ᓂᐅᕕᕐᕕᓐᓂ ᐊᒻᒪᓗ ᓇᒻᒥᓂᖅ ᓂᖅᑎᐅᕈᓐᓇᓕᖅᑐᑎᒃ, ᑕᐃᒪᓪᓗ ᑕᑯᒍᒥᓇᕐᒪᑦ. ᑕᐃᒪᐃᖁᔨᒐᓗᐊᕋᑦᑕ”.
ᓄᕙᕐᔪᐊᕐᓇᖅ ᐊᑐᓕᖅᑎᓪᓗᒍ ᐊᒻᒪᓗ ᑲᓇᑕᒥ ᑐᐊᕕᖅᑐᑎᒃ ᑮᓇᐅᔭᐃᑦ ᐊᑐᐃᓐᓇᐅᒍᓐᓃᖅᑎᓪᓗᒋᑦ ᐊᒥᓱᕈᕐᓂᖅᓴᐅᓚᐅᖅᑐᑦ ᓂᕆᔭᒃᑐᖅᑐᑦ.
“ᑲᓇᑕᒥ ᑐᐊᕕᕐᓇᖅᑐᒃᑯᑦ ᑮᓇᐅᔭᐃᑦ ᐱᔭᕆᐊᑐᓂᖅᓴᐅᓕᖅᑎᑕᐅᑎᓪᓗᒋᑦ, ᐊᒥᓲᓂᖅᓴᕈᖅᐸᓪᓕᐊᑐᐃᓐᓇᓕᓚᐅᖅᑐᑦ”
ᖃᔪᖅᑐᕐᕕᒃ ᐱᓕᕆᐊᒃᓴᖃᕈᓐᓇᕐᓂᖅᓴᐅᓕᓚᐅᖅᑐᑦ ᐊᔾᔨᒌᖏᑦᑐᓂᒃ ᓄᓇᓕᒻᒥᐅᓄᑦ, ᐃᓕᓴᐅᑎᒃᓴᓂ, ᐅᖃᖅᑐᖅ ᐸᓚᔅ, ᖃᔪᖅᑐᕐᕕᒃᑯᓐᓄᑦ ᐱᓕᕆᖃᑕᐅᓕᓚᐅᖅᑐᖅ ᐊᕐᕌᒍ ᒪᕐᕉᒃ ᖄᖏᖅᑑᒃ.
ᓲᕐᓗ: ᐊᑐᐃᓐᓇᖃᖃᑦᑕᕈᓐᓇᖅᓯᓚᐅᖅᑐᑦ ᓂᕿᓂᒃ ᐴᖅᓯᒪᔪᓂᒃ ᐃᓚᔮᕆᓄᑦ.
ᐱᕈᖅᑐᕕᓂᕐᓂᒃ ᐴᖅᓯᒪᔪᑦ ᐊᑐᐃᓐᓇᕈᖅᓴᐃᖃᑦᑕᖅᑐᑦ ᓯᑕᒻᒥᒃᑯᑦ 12:30ᒥᑦ 5:30ᒧᑦ. ᖃᔪᖅᑐᕐᕕᒻᒥᓪᓗ ᐊᑐᐃᓐᓇᖃᖃᑦᑕᓚᐅᖅᑐᑦ ᐃᓄᓕᖅᑕᓂᒃ, ᖃᓄᐃᑦᑐᑐᐃᓐᓇᕐᓂᒃ, ᐊᒻᒪᓗ ᐱᕕᖃᖅᑎᑦᓯᓪᓗᑎᒃ ᐊᑭᓕᐅᑎᒋᔪᓐᓇᑐᐃᓐᓇᖅᑕᖏᓐᓂᒃ ᐊᑭᓕᐅᑎᖃᖅᑎᑦᓯᓪᓗᑎᒃ.
“ᑐᕌᒐᕆᔭᐅᔪᖅ ᑕᒪᑐᒧᖓ ᓴᖅᑭᑦᑎᔪᒪᓪᓗᑎᒃ ᐊᔾᔨᒌᒃᑎᑦᑎᓂᖅᓴᒥᒃ ᓂᕿᓕᕆᔾᔪᑎᒥᒃ ᑕᒫᓂ ᐃᖃᓗᖕᓂ, ᓄᓇᓕᖕᒥᐅᑦ ᐃᑲᔪᖅᑐᐃᓂᖏᓐᓂᒃ ᓄᓇᓕᖕᒥᐅᓂᒃ ᐃᑲᔪᖅᖢᑎᒡᓗ ᑖᔅᓱᒧᖓ ᐱᓕᕆᐊᒧᑦ ᖃᐅᔨᒪᖁᓪᓗᒋᑦ ᐃᖃᓗᖕᒥᐅᑦ ᐊᑭᑐᓗᐊᙱᑦᑐᓂᒃ, ᓂᕿᑦᑎᐊᕙᖕᓂᒃ ᓂᕆᔭᒃᓴᖃᖁᓪᓗᒋᑦ,” ᐸᓚᐃᔅ ᐅᖃᖅᖢᓂ. “ᐱᔾᔪᑎᖃᓚᐅᖅᑐᑦ ᓂᕿᓂᒃ ᐱᔪᓐᓇᖃᑦᑕᖁᓪᓗᒋᑦ ᐃᖃᓗᓐᓂ, ᓄᓇᒻᒥᐅᓄᑦ ᐃᑲᔪᕈᑎᐅᔪᓂᒃ ᐊᒻᒪᓗ ᐊᑭᓕᕈᓐᓇᖅᑕᒥᓂᒃ ᐊᑭᓖᐅᖃᖅᑎᑦᑐᒋᑦ ᐃᖃᓗᒻᒥᐅᑦ ᓂᕿᑦᑎᐊᕙᓐᓂᒃ ᐱᒍᓐᓇᖁᓪᓗᒋᑦ. “ᐱᕈᖅᑐᕕᓂᕐᓂᒃ ᐴᖅᓯᒪᔪᓂᒃ ᐊᑐᐃᓐᓇᕈᐃᖃᑦᑕᖅᑐᑦ 75ᓄᑦ 90ᑎᓄᑦ ᐃᓪᓗᖃᖅᑐᓄᑦ ᐱᓇᓱᐊᕈᓯᖅᑕᒫᑦ, ᓂᐅᕕᖅᐸᑦᑐᑕ ᐊᓯᕙᖅᑎᓂᒃ ᐅᖁᒪᐃᓐᓂᓕᓐᓂ 10,000 ᓄᓇᕗᒻᒥᐅᓂᑦ ᐊᕐᕌᒍ 2022ᒥ.
ᖃᔪᖅᑐᕐᕕᒃ ᑲᑐᔾᔨᖃᑎᖃᖅᑐᑎᒃ ᓄᓇᓕᓐᓄᑦ ᓂᕿᑖᕐᕕᓐᓂ ᑲᓇᑕᒥ 2020ᖑᑎᓪᓗᒍ ᐊᒻᒪᓗ ᐱᖓᓲᓕᖅᑲᖓᔪᓂᒃ ᐱᓕᕆᐊᒃᓴᓂᒃ.
ᓯᕗᓪᓕᖅᐹᕆᔭᕗᑦ ᐊᑐᐃᓐᓇᐅᖁᔨᓪᓗᑕ ᓂᕿᓂᒃ ᐱᔭᕆᐊᓕᓐᓄᑦ, ᐊᐃᑉᐸᖓ ᐃᓕᓴᐃᓪᓗᑕ ᓂᖅᑎᐅᕐᓂᕐᒥᑦ ᐊᒻᒪᓗ ᐱᖓᔪᐊ ᑭᒡᒐᖅᑐᐃᒍᓐᓇᖅᓯᓂᕐᒥᑦ ᐃᓕᓴᐃᓪᓗᑕ.
“ᓂᕆᔭᒃᓴᖃᖅᑎᑦᓯᖃᑦᑕᓚᐅᖅᑐᒍᑦ ᓇᒡᒐᔾᔭᐅᒥᑦ ᑕᓪᓕᕐᒥᕐᒧᑦ. ᐅᓪᓗᕈᖅᑕᕐᓇᐅᓕᕋᐃᒻᒪᑦ ᑭᒃᑯᑐᐃᓐᓇᕐᓄᑦ ᓄᓇᖅᑲᑎᒌᓄᑦ.
ᖃᔪᖅᑐᕐᕕᒃ ᐊᑐᐃᓐᓇᐅᑎᑦᓯᖃᑦᑕᕐᒥᔪᑦ ᐊᒥᓱᓂᒃ ᐊᓯᖏᓐᓂᒃ ᓄᓇᓕᓐᓄᑦ ᐱᓕᕆᐊᒃᓴᐅᔪᓂᒃ ᐃᑲᔪᕈᑎᒃᓴᓂᒃ ᓂᕿᖃᑦᓯᐊᖃᑦᑕᖏᑦᑐᓄᑦ ᓄᓇᕗᒻᒥ.
“ᐃᓕᓐᓂᐊᑎᑦᓯᖃᑦᑕᕐᒥᔪᑦ ᓂᖅᑎᐅᕐᓂᕐᒥᑦ ᐃᖅᑲᓇᐃᔭᒋᐅᖅᓴᑎᑦᓯᓪᓗᑎᒃ”, “[It’s]ᐱᓇᓱᐊᕈᓯᕐᓂᒃ ᐊᑭᓕᖅᓱᖅᑕᐅᓪᓗᑎᒃ ᐃᓕᓴᑎᑕᐅᕙᑦᑐᑦ ᐃᖅᑲᓇᐃᔭᕈᓐᓇᖅᓯᖁᓪᓗᒋᑦ ᑰᖃᕐᕕᐅᔪᓂᑦ ᐊᒻᒪᓗ [assist] ᐃᖅᑲᓇᐃᔮᒃᓴᖅᓯᐅᖅᑎᓪᓗᒋᑦ ᓂᖅᑎᐅᕐᓂᕐᒥᑦ.”
ᖃᔪᖅᑐᕐᕕᒃ ᐊᑐᐃᓐᓇᖃᖃᑦᑕᕐᒥᔪᑦ ᓂᖅᑎᐅᓂᕐᒥᑦ ᓱᕈᓯᕐᓄᑦ, ᐃᓄᓱᑦᑐᓄᑦ ᐊᒻᒪᓗ ᐃᓐᓇᕐᓄᑦ ᑭᒃᑯᑐᐃᓐᓇᕐᓄᑦ.
ᕙᐃᓚᔅ ᐅᖃᖅᑐᖅ ᑲᔪᖅᑐᕐᕕᒃ ᐱᕙᓪᓕᐊᑎᑦᓯᒻᒥᔪᑦ ᑭᒡᒐᖅᑐᐃᔨᐅᓂᕐᒥᑦ ᐊᒻᒪᓗ ᐃᑲᔪᖅᓱᐃᖃᑦᑕᖅᑐᒍᑦ ᐃᑲᔪᕆᐊᓕᓐᓂᒃ.
“ᑭᒡᒐᖅᑐᐃᔨᖃᕐᒥᔪᒍᑦ, ᐃᑲᔪᖅᑎᐅᔪᑦ ᓄᓇᓕᒻᒥᐅᓄᑦ ᐱᔨᒃᓯᕈᑎᐅᕙᑦᑐᓄᑦ ᒐᕙᒪᒃᑯᓐᓄᑦ ᐱᔭᕇᐊᑐᓗᐊᖅᑕᖅᑐᓂᒃ ᐃᑲᔪᖅᑕᐅᒍᒪᔫᒐᓗᐊᓄᑦ.
ᕙᐃᓚᔅ ᑐᑭᓯᐅᒪᖁᔨᔫᒐᓗᐊᖅ ᐃᓄᐃᑦ ᐃᑲᔫᓯᐊᕈᑎᒃᓴᓂᒃ ᐱᖃᑦᑕᕈᓐᓃᓚᐅᕐᒪᑕ ᓄᕙᕐᔪᐊᓇᖅ ᐱᔾᔪᑎᒋᓪᓗᒍ, ᓂᕿᓴᖅᑖᕐᕕᒃᓴᖅᑕᖃᓚᐅᕈᓐᓃᕐᒪᑦ ᐊᒥᓱᕈᓪᓚᕆᓚᐅᖅᑐᑦ.
“ᑭᒡᒐᖅᑐᖅᑕᐅᓗᑎᒃ ᓄᓇᓕᒻᒥᐅᑦ ᓂᕿᖃᖅᓯᐊᖃᑦᑕᖏᑦᑐᑦ ᐅᑭᐅᖅᑕᖅᑐᒥ, ᒐᕙᒪᒃᑯᑦ ᐊᐅᓚᔾᔭᐃᒋᐊᓕᐅᒐᓗᐊᑦ, ᑭᒡᒐᖅᑐᐃᒋᐊᓕᐅᒐᓗᐊᑦ ᑕᒪᒃᑯᐊ ᐊᓯᔾᔨᖁᓪᓗᒋᑦ ᓂᕿᖃᑦᓯᐊᖃᑦᑕᖏᔾᔪᑎᒋᔭᖏᑦ, ᐅᖃᖅᑐᖅ.
ᓄᓇᓕᑦ ᐃᑲᔪᖅᓱᖅᑕᐅᔭᕆᐊᓖᑦ ᐱᓕᕆᐊᒃᓴᖏᑎᒍᑦ ᐊᒻᒪᓗ ᐃᓕᓴᑎᑕᐅᓂᒃᑯᑦ, ᑭᒡᒐᖅᑐᖅᑕᐅᓂᒃᑯᑦ ᐊᒻᒪᓗ ᑮᓇᐅᔭᖃᖅᑎᑕᐅᒍᓐᓇᕐᓂᒃᑯᑦ, ᖃᔪᖅᑐᕐᕕᒃ ᐃᑲᔪᐃᓐᓇᕋᓱᐊᖅᑐᑦ ᐊᓯᔾᔨᕙᓪᓕᐊᒐᓱᐊᖅᑐᑦ, ᓂᕆᔭᒃᓴᖃᖅᑎᑦᓯᓂᒃᑯᑦ.
ᐃᑲᔪᕈᒪᒍᑦᓯ ᑮᓇᐅᔭᑎᒍᑦ, ᐱᓕᕆᐊᒃᓴᕆᕙᑦᑕᕗᓪᓗ ᕿᒥᕐᕈᒍᓐᓇᖅᑕᓯ ᐅᕗᖓ ᖃᕆᓴᐅᔭᒃᑯᑦ https://www.qajuqturvik.ca/